Schéin Farwen. Bei der éichter Foto fannen ech déi mal Pol Filter besser, well ech Farwen einfach méi flott fannen, mee dat ass Affaire de Goût...

Jo, déi ouni Polfilter ass net sou extra, dofir hunn ech se och genee esou gewisen fir dass een den Ënnerscheed gesäit.

Ech fannen déi mam Polfilter och e gudden Krack méi schéin, ouni Zweifel. Vu dass ech awer nach nie mat Polfilter geschafft hun froen ech mech elo op een deen selwechten Effekt net och hätt kennen am LR mam Verlaafsfilter erreechen? Oder ass d'Resultat mat Polfilter einfach besser?

Nee dat ass onméiglech - e Polfilter ass vum eigentlechen Sënn hier dofir do, polariséiert Luucht ze blockéieren. Polariséiert Luucht si Luuchtwellen déi just an eng Richtung schwéngen (Bëssi Physik ), an zwar gëllt dat haaptsächlech fir Spigelungen, d.h. de Polfilter setzt een am Normalfall an fir Spigelungen ze filteren, well déi oft stéieren.
Hei an dësem Fall, wéi een op der Foto ouni Filter gesäit, hëlt dat dem ganzen awer Dramatik, dofir hunn ech en sou genotzt dass ech eben grad haapsächlech d'Spigelungen duerchloossen.
E Polfilter ass meeschtens zirkulär soudass een en dréine kann, well een en ëmmer muss un déi aktuell Luucht-situatioun upassen.

Dat ass ee vun de Filteren déi komplett onméiglech sinn duerch Post-processing ze ersetzen.

Gudd erklärt. Merci. Ech muss mech onbedingt méi mat deem Thema beschäftegen.

Wanns de nach Froen hues kanns de déi och roueg stellen, mer si jo hei fir de Leit bëssen ze hëllefen

Merci, wärt ech maachen.

An dat gudd un dem Filter ass och nach, dass de duerch den Sucher d'Resultat direkt gesaiss...Ass wirklech dowärt sech sou een Filter unzeschafen. Allerdengs ass en am beschten op engem Objektiv, wat en 'Innenfocus' huet, wou also Objektiv selwer beim scharfstellen net dréit, soss muss de bei all Focusséierung den Polfilter rem nostellen.

Stëmmt, dat hat ech nach vergiess.

Ech besuergen mir lo mol sou een.

Herlech mat denen Farwen an deier Spiegelung, gefällt mir !

Merci