Kommentar vum Fotograf:
Hei eng kleng Serie iwwert ee kurze Spadséierwee bei eis an der Géigend, zu Randschëld. Ech hu gären d'Kategorie Mënschen&Emotioune gewielt, och wa kee Mënsch op de Fotoen ze gesin ass. Mais et geet hei em d'Emotiounen. Dee Pad hei ass nämléch an 12 Statiounen agedeelt, an huet als Symbol ee rad mat zwielef Speechen. (läscht Foto) Op deenen 12 Statiounen sin all Kéiers Sënnspréch fir nozedenken an ze meditéieren. Dofir Emotiounen, well dee Wee huet schon eppes. Déi Vistën, déi een durch d'Gestraich op Ranschelt huet, déi eenzel Saachen, déi do opgeriicht sin, fir de gedanken eng Stäip ze sin, alles dat beréiert ee, wann een do trëppelt. Am Ufank steet eng Sonnenauer (keng Foto hei), déi erklärt, datt an eiser Géigend hei d'Sonn wéinst der MEZ um 12.30 Auer am Zenith steet (MESZ: 13.30 Auer). D'Foto 2 weist eng Paart aus Holz fir an den Zauberbësch ran, d'Foto 3 weist ee Frëdeskrees, deen no allen Himmelsrichtungen op ass, d'Foto 4 weist eng stänge Paart, hannert dem Steg, deen aus dem Bësch kënnt an iwwert d'Baach neess op d'Strooss féiert. Di läscht Foto weist d'Rad vum Liewe, wat dréint.
Wann der op de Goût komm sidd, dann huelt iech eemol Zäit a kommt erop op Ranschelt.
