Boah génial. Perfekt de Moment erwëscht a matgezun. Opmannst mengen ech emol dass de matgezun hues, oder as dat dat Verschwomment wat s de mengs? Dass den Hannergrond flou get as normal, dat as jo d'Déiftenonschärft.

sin nët matgezunn. Et as genau dei Onschärft wou ech gemengt hun. merci fier d'Aentwer.

Jo, dat as normal, den Déifteschäftebereich helt zou mat der Entfernung, méi eng grouss Blend, méi eng kleng Brennweit,an d´gréisst vum Sensor. An emgedréht natierlech.
Den Déifteschärftebereich erstreckt sech vun déer agestallter Entfernung 1/3 no fier an 2/3 no hannen. Ech hoffen dat hëlleft der e bessi.
Eng super Foto as der hei gelongen.

daat do hëlleft mer scho vill weider. Villmols merci. Just da schued datt e sou Motiver dann nët sou gudd sou noo fotografeire kann. Merci

Ben wann der Déiftenonschärft net sou gefällt kanns de einfach d'Blend méi kleng maachen. Dann muss de eben mat der Beliichtungszäit oder mam ISO kompenséieren.

Bai esou enger scheiner Foto, schneve,
brauchs du keng Hellef.
Zu denge berechtigte Froen
hues du schonn di richtig Aentwerte kritt.

ofgesinn vun dengen vermeindlechen techneschen Problemer, fannen ech et eng flott agefaangen Szene, zemools déi brong téin, hu mer ugedoen, an de bléck vun der groer katz super, fuer mat deenen models virun

Ech fannen Foto gudd, genau deen richtegen Moment ofgedreckt.....!

Zu dengen Froen ass alles gesot, mee et ass normal daß te bei 180mm net vill Deiftenschärft hues....!

Ech wees elo net wei weit daß te eweg stung mee ech hulen emol 6 Meter un, bei 180mm an enger Blend vun 5,6 mecht daat eng Deiftenschärft vun ± 24cm.
Häs te nemmen 4 meter eweg gestaan, den Rescht idem, dann wären et ± 10cm.

6 Meter bei 9 Blend wären ± 39cm
4 Meter bei 9 Blend ± 17cm

Mat manner Brennweit get deng Deiftenschärft och emmer weider.

Standardsaatz: Brennweit , Distanz -, Blend - = Deiftenschärft -
Wanns te elo mei Deiftenschärft well hun muß te eng vun deenen 3 Saachen änneren. ( " " = waat mei grouß, "-" = waat mei kleng....)
Alles ok esouweit?

Mam ISO kanns te net vill weider erob goen, D40 ass bei 800 mengen ech schon jehnseit von gut und böse...