F6 ass zenter 2004 nach ëmmer am Programm am Nikonkatalog di eenzeg ausser Leica déi nach Analogapparater hierstellen, ass net geschenkt, e bijou fir Liebhaber, analog op top Niveau. Ganz uspriechend mise en scène mat schwarz/weiss carréiert e flotte clin d'oeil un d'Formel 1 am Kontrast mat giel. Schued dat den Autofocus futti ass um Objektiv wëll F6 ass dofir gemach, Formel1 Liga oblige!

Merci, Georges. Jo, ech hun d'F6 effektiv réischt am Januar nei kaaft, nodeems ech méng F70 an der Schoul enger Schülerin aus der Fotooptioun zur Verfügung gestallt hun, déi sou begeeschtert vun deem Apparat war, datt si mat kengem aanere wollt fotograféieren. An ech wollt, éierléch gesot, och mir ee "richtegen" analoge Fotoapparat leeschten, lo 3 Joer, virun der Pensioun. Leica hat ech och am Viséier, mais do hätt ech dann och missen Optike matkaafen, wou ech dach awer vun Nikon de "volle Programm" schon hun. Wat awer net heescht, datt ech mir net awer eemol eng Leica leeschten. An zum Objektiv: ech ka jo mol een Devis froe, fir et reparéieren ze loossen...

Ech hun d'Objektiv gëschter an d'Stad gedroen an haut kréien ech d'?%u201Entfert vu méngem Fotobuttik vum Vertrauen, datt de SAV vun Nikon lapidaresch geäntwert huet op hir Ufro fir en Devis vun enger Reparatur: "On ne reçoit plus de pièces de rechange pour cet objectif, donc r?paration impossible." Egal, dann huelen ech eben de 24-70, f/2,8. Oder deen "aale" 35mm f/2. Da sin ech nach méi authentesch ënnerwee. A wann ech Sportreporter spille wëll, hun ech jo den 200-400mm f/4...

De 24-70 ass jo awer guer net ze verwerfen, wann en just net sou schwéier wier. Dann hätt ech awer och nach profitéiert fir eng Foto vun der Post ze machen, wanns de schon an deem Eck wors.

Ma ech hun dach eng Foto vun der Post gemaach. Du hues déi dach scho gesin a kommentéiert...

-

Schwéier ass relativ, well den 28-70 ass jo och net grad liicht. An am Fong ass ee schwéiert Objektiv dach net sou schlecht... et läit engem jo gudd an der Hand.

An natiirléch ass de 24-70mm net ze verwerfen. Dat ass jo eigentléch och mäi Lieblingsobjektiv op der D750. Wuel bemierkt di éischt Editioun ouni Stabilisator. Well dat huet bal keng Verzerrung an en ass schon ab 5.6 bis un d'Ränner scharf. Mais et wier einfach fir de Fun gewiescht, wann ech den 28-70 hätt kéinte flécke loossen. Du méchs jo och net ee parechoc vun engem C2 op eng 2CV...